Fidelitas: 

Dä Riechmueth Senior wott in Usgang, dänn es riese Gschrei: "Mis Auto händs mer klauet" fluecht und seit so Allerlei. So sträng dis Hirni a villicht chundsch ohni d'Schmier au druf, dä Göppel staht bim Nachbar Werni tue doch d'Auge uf.  

Es Reisli mit de Bahn isch doch für jede wunderbar. Chasch d'Landschaft gnüsse, chasch au öppis trinke das isch klar. Nur muesch halt eifach rächnä dass es bitzli länger goht, Wänn d'SBB wäg Stromusfall en ganze Tag lang stoht.  

Klimbimbers: 

Frau Meta Thalmann fahrt emol allei uf d'Autobahn ganz toll. Das Auto treit ein wissi Pracht, sie hät jedoch en Fehler gmacht. S'Schiebedach gaht uf, oje, im Auto landet alle Schnee!  

Dä Sauber isch jetzt au im Land, drum liebi Gäscht lits uf de Hand. En neue Rännstall sölls da gäh, vo Wollerau dä Fahrer näh. Im Dorf tuet er scho lehre fahre, dä Drürad-Büsser mit sim Chare!  

Beckiguggers: 

Turnverein Wollerau-Bäch: 

Es raucht zum Chämi us, die mached es Theater, jetzt händs ihn gwählt in Rom de heilig Obervater, isch guet müend sie nöd jetzt die Zeremonie mache, wäg Feinstaub törf me doch keis Cheminée-Füür entfache.  

Er wohnt in Wollerau und nümme det in Basel, dass wäg de Stüüre seig das isch doch nur es gfasel, de Marcel Ospel isch nur cho, mir chönnted schwöre, er hät mol welle gueti Schnitzelbanke ghöre.  

FC, Wollerau: 

Nichts ist mehr wie es einmal war. Die Zeiten ändern sich, ist ja wohl klar. Schwule werden getraut zum Ehepaar, der Büsser Rainer (Rambo) ein Formel 1-Star. Der Jakob Urs ein Veloheld, der Schnöfi gibt auf einmal Trinkgeld. Der Höfliger Ferdi läuft zu Fuss nach Haus, am Turnerkränzli gibt’s frenetischen Applaus. Unser Bündner-Bär ist in Wirklichkeit ein Reh, und der Böhni Urs wechselt freiwillig in die SP. Was wird wohl alles noch geschehen? Ob wir wohl bald die Erlen-Marie als Miss Schweiz sehen?